The best of Taiwan coffee taste@Simple Kaffa

上星期的台北飲食之旅🌭🥪🥙🍧🥠🍩🍰🍦☕️🥤，行程編排全以食為主，為咗以最短既時間食最多既野，每日都好早起身又好夜訓，一日最少五餐，除咗對腳攰，個胃仲攰😮😮😮，但無辦法，2年無黎過台灣，發現台北多咗好多好野食😍😍😍，而好飲既咖啡又真係唔少，今趟旅程最值得一提既就係可以試到2016年世界咖啡大師賽(World Barista Championship)冠軍，🌟吳則霖，位於台北的咖啡旗艦店"Simple Kaffa"☕️，好記得當日去到已經下午4點，但這間店平日收5點，仲要排隊等，前面約10個人左右 ，心諗一場黎到，唔係唔試吓下麻🤔，好彩！只係等咗15分鐘就有位啦！仲可以坐到45分鐘。🤗🤗🤗

📝入到佢既時候店員就比定個MENU你睇，有手沖咖啡及機沖咖啡選擇，亦有多款甜品選擇，佰由於只想集中飲啡，我只選擇手沖咖啡一杯，我本身好鍾意飲埃賽俄比亞既咖啡豆，台灣叫依索比亞，咁就揀咗吳則霖咖啡師批次既係衣索比亞咖啡豆-"巫里"(水洗)🇪🇹，雖然杯手沖咖啡不是吳先生沖的，有些少失望!😞 因想試下佢手勢! 講返咖啡，咖啡一黎就聞到花香同烏龍茶，飲活都有少許橙味、柚子味同茶味、微酸，飲到最後溫度去到常溫既時候酸味再出啲。而OVERALL香味同味道算淡，不過，以CP值黎講係好值得推介👍👍👍，因為呢杯手沖咖啡只係NT200即HK$50左右，係香港一杯手沖咖啡都閒閒地都要$80，呢間咖啡店裝修好COZY又開揚，坐幾個鐘都得，好值得回遊😁，下次再黎台北一定會試下呢間咖啡店既其他手沖咖啡同埋甜品。🍰🍰🍰

Japanese hotpot@塚田農場(尖沙咀店)

美女朋友生日飯，選擇咗尖沙咀呢間「塚田農場」有維港夜景但又唔係好貴既日本居酒屋。選擇呢間居酒屋主要因為佢有一個我哋都未聽過既「美人鍋」，美人鍋有幾靚呢? 雖然我覺得靚唔過壽星女，但你哋睇相就知，正所謂一白遮三醜，「美人鍋」擁有又美又滑既湯底(雞湯)，配上有機菜同其他日本豆腐，再加上嫩雞幾件，而個staff又幫呢個鍋化咗個靚妝(將啲材料放入鍋)，岀到黎都真係幾「索」既! 但為咗將呢個鍋變得更「索」，我哋追加咗一份「和牛」($280)，和牛配合呢個湯，出到黎真係好正!!!😋，值得推介大家一試。另外，「梳乎厘玉子」美女朋友覺得似菠蘿包，食落都係甜甜地但勝在啱啱出爐--好夠熱又滑流，鍾意食玉子既我，十個LIKE!!!! 之後我哋叫咗「炸粟米塔」作終結，個粟米炸得幾脆下配合埋雲呢拿雪糕，感覺一凍一熱，但由於粟米脆脆無乜味只靠雲呢拿雪糕幫佢添加甜味，可惜雪榚外型細粒配合個又肥又圓既粟米筒個SWEET度又係好夠，建議佢哋幫個雪糕球增肥一下又或者生多個BB出黎(蜜糖漿)，咁呢個組合應該就可以更加完滿!😊😊😊

今晚最值得一提係佢哋既優質服務態度，尤其係全晚主力SERVE我哋個位四眼年青服務員，我哋全程問LE問LU佢都好有耐心聆聽又回答得宜，尤其係處理我哋對一味"炭燒牛肉"既肉質有問題既時候，佢知道後立即將牛肉遞給廚房同事查詢，跟住回覆我哋，應該係剛才個碟個牛肉部位比較UN先會咁，之後佢係廚房遞咗碟細份既"炭燒牛肉"比我哋(附圖可見)，叫我哋再試試(唔收錢架)，之前個份已幫我哋CANCEL咗添，嘩! 佢哋為咗唔令到我哋對佢哋既食物質素有懷疑，想重拾我哋既信心，估唔到佢哋會咁做去確保佢哋既食物質素，佩服!👍👍👍

Italian taste@Babbo Trattoria

我哋屋企人做節食飯，一定食西餐🍽，因為唔洗迫食貴價套餐又要分時段食，今個冬至我哋揀咗間意大利菜，點咗「意式火腿拼盤」、「焗雜菜」、「鮮墨魚汁意大利飯」、「奶油蛋黃海鮮寬扁意粉」、「Four Seasons Pizza」、「Tiramisu」和「Balsamic Mascarpone」同埋一支「Terre Di Chieti」紅酒。 我哋點既食物，係味道方面都係好味既，重點推介係pizza🍕，個餅底薄而脆，yummy！ 😋😋😋 餐廳所推介既紅酒都唔錯🍷🍷🍷，有果香味入口好smooth、light，同意大利菜好夾！

坦白講，呢間餐廳既甜品就一般啦，「Tiramisu」既味道叫OK啦，但「Balsamic Mascarpone」就真係唔得，點唔得呢? 首先拆解個甜品係乜先，就係Mascarpone Cheese + Whipped Creme + Balsamic Syrup + Blueberry，呢個組合就正正好似國產零零漆裡面聞西所發明既「超級武器霸王」-「攞你命3000」咁，將啲好野放埋晒一齊，但最後食出黎既感覺就真係.....好「獨立性」，尤其係個cheese真係好原味並無落糖，而個Balsamic係無乜甜味亦無乜酸味，所以，唔係好似甜品，唔係好啱食！😂😂😂

顧客有意見：餐廳食甜品用既餐具.....竟然係估你唔到既「咖啡杯碟」，真係杯碟黎架，令我哋對呢間餐廳既image立即打咗個discount。希望佢哋能夠改善一下呢方面既問題，因為除咗呢一點，佢哋既服務都好好!👍👍👍

sashimi taste@三川居酒屋

今日係星期日，一早要起身出席公司有份贊助既活動，星期六已經要返工今日又要返，成個星期都要早起，慘慘慘! 😪為咗補償自己這個星期要返足7日工，所以中午去咗銅鑼灣搵食🍱，其實銅鑼灣有好多唔錯既日本居酒屋，而中午多數都有定食選擇。我就行下行下遇到呢間係地庫既「三川居酒屋」，呢間居酒屋望落好新，裝修亦好日式，雖然我一個人，佢哋都比我坐係啲二人間隔位，坐得好舒服好自在😊，而定食選擇都算多，價錢係銅鑼灣黎講唔算貴，我今日勁想食刺身，最後選擇了「特鮮丼」(價錢$118)，有4款刺身、魷魚及魚子、跟前菜、沙律同味噌湯，個味噌湯好清唔咸，刺身好新鮮、厚身同有鮮甜味，好好味! 😋下次會選擇夜晚黎，試下佢哋啲特式料理同飲返杯sake先🍶。

perfect cheesecake taste@The Cheesecake Factory

好想食呢間The Cheesecake Factory好耐, 但由於「唔鍾意排隊」嘅性格, 呢間factory開咗年幾都係無試, 但最近有個朋友話想食呢間又可以準時放工, 所以先去攞個"電子籌”, 等咗成1個半鐘頭, 終於入到去啦! 入到去真係比啲cheesecake吸引咗🍰🍰🍰, 又大又靚, 真係唔想食正餐,只係食cake, 但係.....但係.....真係.....真係.....會肥.....真係會好肥! 🐷所以, 3個人叫咗 凱撒沙律、牛油果蛋皮脆卷、芝樂坊粟米片、卡邦尼意大利幼麵、提拉米蘇芝士蛋糕、檸檬紅桑子忌廉芝士蛋糕。由於又有餐前麵包, 啲食品又大份, 最終食唔晒, 要打包碟意粉走，真係好抵食。

而壓軸出場的「檸檬紅桑子忌廉芝士蛋糕」成為全晚嘅我的最愛🤩，真係好好食😋, 蛋糕裡有檸檬紅桑子嘅酸味配以又甜又滑嘅美式芝士蛋糕, 好balance 好fresh! 最後配返杯「Americano」☕️ 作終結，Perfect!!!😊

friendship taste@Gastrobox

今個週六lunch，與一位幾年無見嘅舊同事相聚食飯，佢好多野都無變，尤其係遲到呢個習慣，真係到今時今日都繼續發生😔。先講個lunch🍽，坦白講main course 都可以，但要加$38嘅三文魚沙律同chocolate mousse 就真係唔得，三文魚切到好細粒，放心！肉眼係睇得到嘅，但係點解要係熟上呢！😫 個chocolate mousse 食落硬硬地，朱古力味同甜味都欠奉，咁即係邊度黎嘅chocolate mouss?🤔 睇相真係睇唔出。失望！🤦‍♀️

講返呢位舊同事，出黎見完面後，感覺她比以前更親切更開朗，話題由她離開舊公司到其他舊同事近況及她最近搵到份新工，佢都分享咗好多比我聽，而佢係新公司發展得都唔錯同佢啲同事又夾得黎，真戥佢開心！🙂🙂🙂

其實能夠由舊同事發展成朋友都係好難得，因為做起野上黎，大家唔多唔少都會有少少磨擦，好彩大家都無放係心，就算分開咗，都會繼續聯絡，唔會比呢類同事友情隨時間而流逝，小妹慶幸都有唔少「同事朋友」㗎！🤗🤗🤗

sweet taste@High Street Grill

今年生日係西環的High Street Grill同家人一齊食晚飯慶祝，呢間餐廳主要食美國菜，質素好但價錢又唔算貴，係遠咗少少啫😅。作為一餐生日飯，屋企人點了好多我好喜愛嘅菜式，南瓜蘆筍沙律、墨西哥脆片、墨西哥捲餅，香蒜蜆肉扁意粉，而到晚餐尾聲，點少得甜品呢！今次係我的最愛「Tiramisu」，呢個presentation 好特別好靚，咖啡同酒味都濃，味道好好，我好鍾意😍😍😍  一間美國餐廳都能夠有咁好食嘅「Tiramisu 」，真係估佢唔到呀！😊😊😊 不過，老套啲講句，只要同鍾意嘅人一齊食飯，其實係邊度食都會覺得好開心，因為呢啲moment都唔係理想當然地有，今年好感恩仍然可以同屋企人一齊過呢個生晨，好甜好滿足！🎂🍾🎉

hokkaido milk bread taste@BMS

初學做麵包，今次黎件「牛奶吐司」，而家先發覺平凡嘅吐司比普通麵包做起上黎難，因為個麵團搓得好唔好，係好影響到個吐司嘅外形，而摺法又係要留意，會影響到個拉絲效果，但最重要，份量要準確之餘，要好留意焗爐上下火嘅熱度，如果唔睇火，個山形頭會變成火山頂，出爐個下就真係火山爆發🌋🌋🌋，個吐司硬到應該掟得死一隻🐕。

之所謂「平凡中見不平凡」，今日小妹深深感受到，做得到真係唔容易，好似打工咁，係公司最好無乜人知你叫乜名，但又要比上司知妳有返工，又做到下野，又唔係公司最早同最遲放工個位，都真係幾難做到架！😅😅😅

coffee taste@% Arabica Hong Kong IFC

喜歡飲咖啡，尤其是黑咖啡，因為無咗牛奶既加入，我可以完全嚐到咖啡的原有氣味、酸度和淺濃度。經朋友介紹下先知係IFC有呢間Coffee shop，之前經過中環，就專登去試下，呢間coffee shop裝潢走日式簡約路線，有一個透明玻璃房，見到入面存放了一袋袋既咖啡豆，店員不時會係入面磅下咖啡豆出黎，好有家庭式作業既感覺， coffee shop以外賣咖啡為主，點了一杯short size既Americano，問店員係乜野豆黎? 佢好有禮貌地話我知，原來係使用佢現行賣緊咖啡豆既menu其一款，今個星期用呢款豆下個星期就用下一行個款豆，等客人可以先試下佢哋沖既，好既再買都未遲，跟住，我呢啲煩人，又要求個店員話：想飲Americano又唔想咁淡，可否加少啲水? 佢好好咁問coffee bar tender 同事，可以只加半杯水嗎? 佢哋話無問題。令我覺得佢哋既服務好之餘亦好體貼！講返杯咖啡，佢哋個個星期用咗Ethiopia Ninety plus level-up Danch Meng，沖出黎氣味真係有少少chocolate同果味，但味道唔算好濃，酸度剛好。價錢$40，坦白講我覺得唔貴，有咁既水準既咖啡，值得再幫襯啦!

afternoon tea taste@Kerry Hotel

有朋友係朱古力粉絲，佢愛朱古力情度只係低於佢口中的兩大三細(阿爸阿媽同3隻小花猫)，每逢有朱古力主題的Afternoon tea佢都試，我亦都好慶幸，佢好多時候都會搵埋我去試，雖然我唔係食得好甜得既人，但朱古力我好少say no。今次試既係黃埔碼頭新開酒店Kerry Hotel推出既朱古力下午茶，呢個朱tea話係由名廚打造，我同朋友都抱住高度盼望的心能去試，週未無得book，只可以walk in，昨日仲要黃雨，我哋都照去，估唔到 ♪♪天氣不似預期~ 個朱tea都係一樣😞😞，成個tea set只係得個3件甜品有朱古力味既，而其他甜品同朱古力完全無關係，而味道只是一般，其中的「煙燻燉羊梨」裡面有羊奶芝士，味道好濃好酥，坦白講我接受唔到，因為真係酥都友無朋，我朋友直情唔食！不過，我相信都有人鍾意既。今次呢個朱古力下午茶，個人總體意見係：外在美好過內在美啦😂😂😂

cooking taste@BMS

上年9月學人整麵包，之後，久唔久都會自己上下網，睇下人哋啲食譜整下俾自已食又整下比人食，通常整比人食都係揀啲難度系數低既食品(例如:曲奇、muffin等)，以避免令人難入口！其實學整包後，自己整下整下都由只係整包，慢慢發展到家常小菜，開始發覺煮野食係會令人提升「耐性」度，因為急唔黎，尤其是做麵包，時間同份量真係唔可以free style。所以，寫呢個Blog好希望將生活上體驗到既早餐、常餐、下午茶、晚餐、咖啡或茶，都想同人分享。