喜歡飲咖啡，尤其是黑咖啡，因為無咗牛奶既加入，我可以完全嚐到咖啡的原有氣味、酸度和淺濃度。經朋友介紹下先知係IFC有呢間Coffee shop，之前經過中環，就專登去試下，呢間coffee shop裝潢走日式簡約路線，有一個透明玻璃房，見到入面存放了一袋袋既咖啡豆，店員不時會係入面磅下咖啡豆出黎，好有家庭式作業既感覺， coffee shop以外賣咖啡為主，點了一杯short size既Americano，問店員係乜野豆黎? 佢好有禮貌地話我知，原來係使用佢現行賣緊咖啡豆既menu其一款，今個星期用呢款豆下個星期就用下一行個款豆，等客人可以先試下佢哋沖既，好既再買都未遲，跟住，我呢啲煩人，又要求個店員話：想飲Americano又唔想咁淡，可否加少啲水? 佢好好咁問coffee bar tender 同事，可以只加半杯水嗎? 佢哋話無問題。令我覺得佢哋既服務好之餘亦好體貼！講返杯咖啡，佢哋個個星期用咗Ethiopia Ninety plus level-up Danch Meng，沖出黎氣味真係有少少chocolate同果味，但味道唔算好濃，酸度剛好。價錢$40，坦白講我覺得唔貴，有咁既水準既咖啡，值得再幫襯啦!
沒有留言:
張貼留言