初學做麵包，今次黎件「牛奶吐司」，而家先發覺平凡嘅吐司比普通麵包做起上黎難，因為個麵團搓得好唔好，係好影響到個吐司嘅外形，而摺法又係要留意，會影響到個拉絲效果，但最重要，份量要準確之餘，要好留意焗爐上下火嘅熱度，如果唔睇火，個山形頭會變成火山頂，出爐個下就真係火山爆發🌋🌋🌋，個吐司硬到應該掟得死一隻🐕。
之所謂「平凡中見不平凡」，今日小妹深深感受到，做得到真係唔容易，好似打工咁，係公司最好無乜人知你叫乜名，但又要比上司知妳有返工，又做到下野，又唔係公司最早同最遲放工個位，都真係幾難做到架！😅😅😅
沒有留言:
張貼留言